ulti ho gain sab tadabiren, kuch na dawa ne kam kiya
dekha is bimari-e-dil ne akhir kam tamam kiya
ahd-e-jawani ro-ro kata, piri main lin ankhen mund
yani rat bahot the jage subah hui aram kiya
nahaq ham majburon par tohmat hai mukhtari ki
chahte hain so ap kare hain, hamko abas badnam kiya
sarzad ham se be-adabi to wahshat main bhi kam hi hui
koson us ki or gae par sajda har har gam kiya
aise aho-eharam-khurda ki wahshat khoni mushkil thi
sihar kiya, ijaz kiya, jin logon ne tujh ko ram kiya
yan k safed-o-syah main hamko dakhal jo hai so itana hai
rat ko ro-ro subah kiya, din ko jyon-tyon sham kiya
'Mir' k din-o-mazhab ko ab puchte kya ho un ne to
qashqa khincha, dair main baitha, kab ka tark islam kiya
No comments:
Post a Comment
Dear blog visitor, Thanks for visiting my blog.