Kabhi hum khubsurat thy

kabhi hum khubsurat thay
kitaboan man base khushbu ki manind
sans sakin the
buhat say unkahay lafzoan say taswerain banatay thay
parindoan kay paroan per nazm likh ker
dur ki jheeloan main basnay walay
logon ko sunatay thay
jo hum say dur thay laikin
humaray pass rehtay thay

nayey din ki musafat jub kiran kay saath
angan main uterte the
to hum kehtay thay
humain mathay pay bosa do
keh hum ko
jugnuoan kay, titliyoan kay dais jana hay
hamain rangoan kay jugnoon
roshni ki titliyaan awaz daite hain
nayae din ki musafat rung main doobe hawa kay saath
khirkee say bulate hay
hamain mathay pay bosa do
hamain mathay pay bosa do.............